မိတ်ဆွေစစ်ကို ရှာပါ

အခါတပါးတွင် ညီတော် အာနန္ဒာ-က မြတ်စွာဘုရားအား လျှောက်ထား၏၊ အရှင်ဘုရား၊ မိတ်ဆွေကောင်းနှင့် ပေါင်းဖော်မိသော သူသည် အကျိုးကျေးဇူး တ၀က်လောက် အောင်မြင် ပြီးစီးပြီး ဖြစ်နေပါသည်၊ ထိုအခါ မြတ်စွာဘုရားက ချစ်သား အာနန္ဒာ ဤသို့မဆိုလင့်၊ အဆွေခင်ပွန်းကောင်းနှင့် ပေါင်းဖော်မိသောသူသည် လောက သံသရာ နှစ်ဖြာအကျိုးစီးပွား ပြီးစီးလေသည်-ဟု မိန့်ကြားလျက် လောကီ လောကုတ္တရာ အကျိုးကျေးဇူးများပုံကို အကျယ်တ၀င့် ဟောကြားတော်မူလေ သည်။
တနေရာတွင် မိတ်ဆွေတု မိတ်ဆွေစစ်ကို ခွဲခြားပြတော်မူရာ၌ မိတ်ဆွေကောင်းလေးမျိုးရှိပုံကို ဤသို့ညွှန်ကြားပြတော်မူခဲ့ပါသည်။

၁။ ဥပကာရ-မိတ်ဆွေကောင်း။
ကြုံလာသော ကိစ္စအားလျှော်စွာ ကျေးဇူးပြုဖော် ရသူဖြစ်၏၊ ဤမိတ်ဆွေစစ်သည် မိမိမိတ်ဆွေ၏ အ၀တ်အထည် ရွှေငွေပစ္စည်းများကို မပျောက်ပျက်စေရန်၊သူတပါး မယူနိုင်ရန် စောင့်ရှောက်ပေးတတ်၏၊ မိမိ မိတ်ဆွေ၌ ဘေးအန္တရာယ် ပေါ်လာလျှင် ကာကွယ်ပေးတတ်၏၊ မိမိ မိတ်ဆွေတွင် ငွေကုန်ကြေးကျ များမည့်ကိစ္စ ကြုံလာ လျှင် မိမိ၏ အင်အားအလျှောက် ငွေအား လူအား ကူညီစောင်မတတ်၏။
၂။ သမာန သုခ ဒုက္ခ မိတ်ဆွေကောင်း။
ချမ်းသာလျှင်လည်း အတူ၊ ဆင်းရဲလျှင်လည်း မခွဲမခွါဘဲ ကောင်းတူဆိုးဖက် အပေါင်းအဖော် ဖြစ်၏၊ တိုင်းရေးပြည်ရေး အိမ်တွင်းရေး အရေးကြီး လျှို့ဝှက်ကိစ္စများ ကို တိုင်ပင်နိုင်သူဖြစ်၏၊ လျှို့ဝှက်ရမည့် အတွင်းရေးများကို မပေါက်ကြားအောင် ကာကွယ် စောင့်ရှောက်တတ်၏၊ ဘေးရန်ပေါ်လာလျှင် စွန့်ခွါမသွားဘဲ အားပေးကူ ညီ ဆောင်ရွက်တတ်၏။
၃။ အတ္ထက္ခာယီ မိတ်ဆွေကောင်း။
အကျိုးစီးပွားဖြစ်ရေးကို ပြောဆိုလမ်းပြတတ်၏၊အကုသိုလ်မှု ပြုမည်ဆိုလျှင် လောက သံသရာ နှစ်ဖြာအပြစ်ကိုပြ၍ တားမြစ်တတ်၏၊ အကျိုးရှိမည့် ဒါနမှု သီလမှု စသော ကုသိုလ်ကောင်းမှုများကို ပြုလုပ်ရန် အားပေး တိုက်တွန်းတတ်၏။
၎။ အနုကမ္ပက မိတ်ဆွေကောင်း။
သနားစောင့်ရှောက် ချီးမြှောက်တတ်သူ ဖြစ်၏၊ မိမိမိတ်ဆွေ၏ ဥစ္စာစည်းစိမ် ဂုဏ်သိမ်ရာထူး ယုတ်လျော့ပျက်စီးသည်ကို မြင်ရလျှင် စိတ်မကောင်းဖြစ်၍ အားပေး တတ်၏၊ မိတ်ဆွေ၏ အခြေအနေ၊ အမျိုးအဆွေ ရာထူးစည်းစိမ်တက်သည်ကို မြင်ရလျှင် ကြားရလျှင် ၀မ်းမြောက်တတ်၏၊ မိမိ၏မိတ်ဆွေကို အခြားသူများက အပြစ် ပြောလျှင် ကန့်ကွက်တားမြစ်တတ်၏၊ ကောင်းသတင်းဂုဏ်ကိုပြောလျှင် ဖြည့်စွက် ထောက်ခံပြောဆိုတတ်၏။
အကောင်းအဆိုး နှစ်မျိုးရောနေသော ဤလောကတွင် မိတ်ဆွေစစ် မိတ်ဆွေကောင်းများလည်း ရှိပါသေးသည်။
ရှာဖွေစိစစ် ပေါင်းသင်း၍ လောကသံသရာ နှစ်ဖြာအကျိုး တိုးတက်နိုင်ကြပါစေ။