ထေရ၀ါဒ ဗုဒ္ဓဘာသာ-ဆိုသည်မှာ

 မြန်မာနိုင်ငံ ယုံကြည်ကိုးကွယ်မှုသမိုင်းကို ကြည့်လျှင် ရှေးအခါက မြန်မာနိုင်ငံ တိုင်းရင်းသားအများစုတို့ ကိုးကွယ်ကြသည့်ဘာသာကို ဗုဒ္ဓဘာသာ-ဟု သာမန်အားဖြင့် ခေါ်ဝေါ်သုံးစွဲခဲ့ကြသည်။ ဘာသာရေးစာအုပ်အချို့၌သာ မြန်မာနိုင်ငံ ဗုဒ္ဓဘာသာကို ဟီနယာန ဗုဒ္ဓဘာသာ-ဟု နာမည်ပေးခဲ့ကြသည်ကို တွေ့ရ၏။

ထေရ၀ါဒ ဗုဒ္ဓဘာသာ-ဟူသောဝေါဟာရကို သုံးနှုန်းလာကြသည်မှာ အချိန်ကာလ မကြာလှသေးပါချေ။ သာသနာတော်နှစ် ၂၄၉၈-တွင် မြန်မာနိုင်ငံ၌ မြန်မာ၊ ထိုင်း၊ သီရိလင်္ကာ၊ ကမ္ဘောဒီးယား၊ လာအို ဆိုသည့် ထေရ၀ါဒ ငါးနိုင်ငံတို့ စုပေါင်းပြီး ဆဋ္ဌသင်္ဂါယနာ တင်သည့်အချိန်တွင်မှ ဤဝေါဟာရ စတင်ပေါ်ပေါက်လာခဲ့သည်ဟု မှတ်သားမိ၏။ ယခုအခါ၌မူ မြန်မာနိုင်ငံ ဗုဒ္ဓဘာသာဝင်များ လောကတွင် ဤဝေါဟာရသည် အလွန်အသံကျယ်လာ၏။ ဤသို့ အသံကျယ်လာခြင်းသည် သာသနာတော် သန့်ရှင်းစင်ကြယ်ရေးအတွက် အလွန်ကောင်းသည့် လက္ခဏာပင်ဖြစ်၏။


သို့ရာတွင် ထေရ၀ါဒဗုဒ္ဓဘာသာဆိုသည်မှာ မည်ကဲ့သို့သောဘာသာမျိုး ဖြစ်သည်ဟု အရင်းအမြစ်ကျကျ သိရှိသူများ အလွန်ရှား၏။ ဤပါဠိဘာသာ ဝေါဟာရတိုကလေး၏ အတိုချုပ်အဓိပ္ပါယ်ကိုပင် မသိသူများ ရှိသေး၏။ အမှန်ဆိုရသော် ဗုဒ္ဓဘာသာဝင်တိုင်း ဤဝေါဟာရတိုကလေး၏ အတိုချုပ်အဓိပ္ပါယ်ကိုသာမက ဝေါဟာရဖြစ်ပေါ်လာပုံ သာသနာဝင်ကြောင်း အမှန်ကိုပါ အရင်းအမြစ်ကျကျ သိထားသင့်ကြ၏။ နားလည်ထားသင့်ကြ၏။

ဤထေရ၀ါဒ ဗုဒ္ဓဘာသာ-ဟူသော ဝေါဟာရတိုကလေး၏ အဓိပ္ပါယ်အတိုချုပ်မှာ-ပထမသင်္ဂါယနာတင် ရဟန္တာမထေရ်ကြီးများ ချမှတ်ထားခဲ့သည့် မူဝါဒအတိုင်း သန့်ရှင်းစင်ကြယ်စွာ ပကတိအတိုင်း တည်ရှိနေသည့် ဗုဒ္ဓတရားတော်-ဟု ဖြစ်သည်။ (ထေရ၀ါဒ-ရဟန္တာမထေရ်ကြီးများ ချမှတ်ထားခဲ့သည့် မူဝါဒအရ၊ ဗုဒ္ဓဘာသာ-မြတ်စွာဘုရား ဟောကြားခဲ့သည့်အတိုင်း သန့်ရှင်းစွာ တည်ရှိနေသော တရားတော်)။

( ပထမသင်္ဂါယနာတင်ပွဲ ) အတန်ငယ် ရှင်းပြပါဦးမည်။ ဗုဒ္ဓရှင်တော်မြတ်ဘုရား ပရိနိဗ္ဗာန်စံဝင်သွားသည့်နောက် ၃-လနှင့် ၄-ရက်အကြာတွင် ဧတဒဂ်ရ အရှင်မဟာကဿပမထေရ်ကြီး ခေါင်းဆောင်တော်မူပြီး အရှင်ဥပါလိ၊ အရှင်အာနန္ဒာ၊ အရှင်အနုရုဒ္ဓါ စသော ပဋိသမ္ဘိဒါပတ္တ၊ ဆဠဘိည ရဟန္တာကြီး ငါးရာတို့သည် ရာဇဂြိုဟ်ပြည့်ရှင် အဇာတသတ်ဘုရင်၏ ပစ္စယာနုဂ္ဂဟကို ရယူ၍ ဝေဘာရတောင်ကြီး၏ နံဘေး၊ စရည်းပင်ပေါက်ရာ (သတ္တပဏ္ဏိ) လိုဏ်ဂူအနီးရှိ မဏ္ဍပ်တော်ကြီးတွင် ခုနစ်လပတ်လုံး ပထမဆုံးအကြိမ် သင်္ဂါယနာ တင်တော်မူခဲ့ကြပါသည်။

သင်္ဂါယနာတင်ရသည့်အကြောင်းမှာ-ဘုရားရှင် ပရိနိဗ္ဗာန်စံဝင်ပြီး ခုနစ်ရက်အကြာတွင် အရှင်မဟာကဿပသည် တပည့် ရဟန်းငါးရာနှင့်အတူ ပါဝါပြည်မှ ကုသိနာရုံသို့ ကြွတော်မူလာသည်။ လမ်းခရီးအကြားတွင် ခရီးရင်ဆိုင်လာသည့် အာဇီဝတက္ကတွန်း၏ သတင်းပေးချက်အရ ဘုရားရှင်ပရိနိဗ္ဗာန်စံဝင်သည်မှာ ခုနစ်ရက်ပင်ရှိသွားပြီ-ဟု သိရှိကြရသည့်အခါ ရာဂမကင်းကြသေးသည့် ရဟန်းများမှာ မတ်တတ်မှလဲပြီး လူးလှိမ့်ငိုကြွေးကြ၏။ ထိုအခါ သုဘဒ္ဒခေါ် တောထွက်ရဟန်းကြီးက ငါ့ရှင်တို့ ပူဆွေးမနေကြပါနဲ့၊ ငိုကြွေးမနေကြပါနဲ့၊ တိတ်တော်မူကြပါ၊ ရဟန်းကြီးဂေါတမဟာ ဒါကိုလုပ်ကောင်းတယ်၊ ဒါကိုတော့ မလုပ်ကောင်းဘူးလို့ ငါတို့ကို ချုပ်ချယ်နှိပ်စက်ခဲ့တယ်။ အခု ထိုရဟန်းကြီးလက်အောက်မှ ငါတို့ ကောင်းကောင်းကြီး လွတ်မြောက်သွားကြပြီ။ ငါတို့ အလိုရှိတိုင်း လုပ်နိုင်ကြပြီ။ လုပ်ကြစို့-ဟု အားပေးစကား ပြောကြားလိုက်သတဲ့။

ထိုစကားကို အရှင်မဟာကဿပမထေရ်ကြီး ကြားသိတော်မူသည့်အခါ ဪ-ပြောမှ ပြောရက်ပလေ။ ဘုရားရှင် ပရိနိဗ္ဗာန်စံသည်မှာ ခုနစ်ရက်သာ ရှိသေး၏။ ရွှေအဆင်းကဲ့သို့ ၀ါဝင်းသော ရုပ်ခန္ဓာတော်ကြီးပင် ထင်ရှားရှိနေသေး၏။ သို့ပါလျက် သာသနာ့ ရန်ဆူး ရန်ငြောင့်ကား ပေါ်လာခဲ့ပေပြီ။ ဒီရဟန်းယုတ်သာ သူနှင့် သဘောတူသူ အပေါင်းအသင်းများကို ရခဲ့လျှင် ဘုရားသာသနာတော်သည် မကြာမီ ကွယ်ပျောက်သွားနိုင်သည်။ ရှင်တော်ဘုရား ဟောကြားခဲ့သည့် သုတ် အဘိဓမ္မာ ၀ိနည်း တရားတော်များ တည်ရှိနေသရွေ့ သာသနာတော်ကြီး မကွယ်ပျောက်နိုင်။ ထို့ကြောင့် သာသနာတော် အရှည်တည်တံ့နိုင်အောင် အဓမ္မ၀ါဒီရဟန်းဆိုးများ အင်အားမကောင်းမီ၊ အ၀ိနယ၀ါဒီ အလဇ္ဇီ ဒုဿီလရဟန်းများ အင်အားမကောင်းမီ ရှင်တော်ဘုရား ဟောကြားခဲ့သည့် တရားများကို သင်္ဂါယနာတင်မှ တော်မည်ဟု အကြံဖြစ်၏။

ထို့နောက် ဘုရားရှင်၏ ပရိနိဗ္ဗာန်ဝင်စံပွဲကြီး ပြီးဆုံး၍ ဓာတ်တော်များ ဝေအပြီးတွင် မရေမတွက်နိုင်အောင် မြားမြောင်လှစွာသော ရဟန်းသံဃာများအနက် ခေါင်းဆောင် သံဃာ့ထေရ်ကြီး ခုနစ်သိန်းတို့ထံတွင် သင်္ဂါယနာတင်ရန် သဘောတူညီချက်ကို ရယူတော်မူပြီး သံဃာထေရ်ကြီးများ၏ အကြံပြုချက်အရ အများအားဖြင့် ဧတဒဂ်ရယူတော်မူကြသည့် တိပိဋကဓရ၊ ပဋိသမ္ဘိဒါပတ္တ၊ ဆဠဘိည ရဟန္တာကြီး ၅၀၀-တို့ကို သင်္ဂါယနာတင်ရန် ရွေးချယ်တော်မူလိုက်သည်။ ရာဇဂြိုဟ်ပြည်သည် ကျောင်းတိုက်များစွာရှိ၍ ပစ္စည်းလေးပါး ထောက်ပံ့နိုင်သည့် ဒကာများ များစွာရှိသည့်အတွက် ရာဇဂြိုဟ်ပြည်တွင် ၀ါဆိုပြီး သင်္ဂါယနာတင်ကြရန် ဆုံးဖြတ်ကြသည်။

( မထေရ်ကြီးများ၏ မူဝါဒ ) (ထေရ၀ါဒ) ဤသို့အားဖြင့် ဘုရားရှင် ပရိနိဗ္ဗာန်စံဝင်ပြီး ၃-လနှင့် ၄-ရက်အကြာ၊ ၀ါခေါင်လပြည့်ကျော် ၅-ရက်နေ့တွင် ပထမသင်္ဂါယနာတင်ပွဲကြီးကို စတင်ကျင်းပသည်။ ထိုသင်္ဂါယနာတင်ပွဲကြီးတွင် အရှင်မဟာကဿပမထေရ်ကြီး ဦးဆောင်သော ပထမသင်္ဂါယနာတင် ရဟန္တာထေရ် အရှင်ကြီးများသည် သာသနာတော်ကြီး သန့်ရှင်းစင်ကြယ်စွာ အရှည်တည်တံ့ရေးအတွက် အချက်သုံးချက် ပါဝင်၍ အလွန်အရေးပါသည့် မူဝါဒကြီး တရပ်ကို တညီတညွတ်တည်း ချမှတ်ခဲ့ကြသည်။

ထိုရဟန္တာအရှင်မြတ်ကြီးတို့ ချမှတ်ခဲ့ကြသည့် မူဝါဒမှာ- (၁) သံဃာတော်သည် ဘုရားရှင် မပညတ်ခဲ့သည်ကို ပညတ်ခြင်း မပြုခြင်း။ (၂) မြတ်စွာဘုရား ပညတ်ချက်များကို ဖျက်ဆီးခြင်း၊ နုတ်ပယ်ခြင်း မပြုရ။ (၃) မြတ်စွာဘုရား ပညတ်ထားခဲ့သည့်အတိုင်း သိက္ခာပုဒ်များကို ကောင်းစွာ လိုက်နာကျင့်သုံးကြရမည်-ဟူ၍ ဖြစ်သည်။ ဤသို့ ပထမသင်္ဂါယနာတင်၊ ရဟန္တာထေရ်အရှင်ကြီးများ ချမှတ်တော်မူခဲ့ကြသည့် မူဝါဒအရ ဖြည့်စွက်ခြင်း၊ နုတ်ပယ်ခြင်း၊ လုံးဝမပြုသဖြင့် ဘုရားရှင် ပညတ်ဟောကြားတော်မူခဲ့သည့်အတိုင်း စင်ကြယ်သန့်ရှင်းစွာ တည်ရှိနေသည့် မူလတရားတော် (ဓမ္မ၀ိနယ) အားလုံးကို ထေရ၀ါဒ ဗုဒ္ဓဘာသာ-ဟု ခေါ်ဆိုခြင်းဖြစ်သည်။ ထိုတရားတော်များအတိုင်း ထိန်းသိမ်းကျင့်သုံးနေကြသည့် သံဃာတော်အပေါင်းကို ထေရ၀ါဒဂိုဏ်း-ဟု ခေါ်သည်။

မူလက ၀ိနည်းကိုအကြောင်းပြု၍ မူချထားခဲ့ခြင်း ဖြစ်သော်လည်း ထိုမူဝါဒသည် ဓမ္မ၀ိနယနှစ်မျိုးလုံးနှင့် သက်ဆိုင်သည်ဟု သံဃာတော်များ အားလုံး မှတ်ယူကျင့်သုံးကြ၏။ ထို့ကြောင့် သာရတ္ထဒီပနီဋီကာ၌- သင်္ဂါယနာတင်ထားသည့် ပါဠိတော်များကိုသာ အရှင်မဟာကဿပ အစရှိကုန်သော မထေရ်ကြီးတို့၏ မူဝါဒဖြစ်သောကြောင့် ထေရ၀ါဒ ခေါ်သည်-ဟု ဖွင့်ပြထားခြင်းဖြစ်၏။ သို့ရာတွင် ပထမသင်္ဂါယနာ တင်ပြီးချိန်မှစ၍ ဒုတိယသင်္ဂါယနာတင်သည့် အချိန်အထိ နှစ်ပေါင်းတရာအတွင်း၌ ဆန့်ကျင်ဘက်ဂိုဏ်းများ မပေါ်လာသေးသဖြင့် ပထမသင်္ဂါယနာတင် ရဟန္တာထေရ် အရှင်မြတ်တို့၏ မူဝါဒအရ ပကတိသန့်ရှင်းစွာ တည်ရှိနေသည့် မူလဘုရားဟော တရားတော်အတိုင်း လိုက်နာကျင့်သုံးကြသူချည်းဖြစ်၍ ထေရ၀ါဒဂိုဏ်းဟု ခေါ်ဝေါ်သုံးစွဲခြင်း မရှိသေးရကား ထေရ၀ါဒ ဗုဒ္ဓဘာသာ-အမည်လည်း မပေါ်လာသေးချေ။

( ဒုတိယသင်္ဂါယနာတင်ပွဲ ) သို့ရာတွင် သာသနာတော်နှစ် ၁၀၀-အရောက်တွင်မူ ဝေသာလီပြည်၌ ၀ဇ္ဇီတိုင်းသား ရဟန်းတော်များသည် ၀ိနည်းနှင့်ပတ်သက်၍ ပြင်ဆင်ချက် ၁၀-ချက်၊ (ဒသ၀တ္ထု) ကို ပြုလုပ်လာကြသည်။ သူတို့က ရွှေငွေကို အလှူခံကောင်းသည်-စသည်ဖြင့် ဘုရားရှင်ပညတ်ထားချက်များကို ၁၀-ချက်အထိ ဖောက်ဖျက် ပြင်ဆင်လာကြသည်။ ထိုအကြောင်းကို ကောသမ္ဘီပြည်တွင် သီတင်းသုံးနေတော်မူသည့် အရှင်မဟာယသ ရဟန္တာမထေရ်ကြီး ကြားသိရသည့်အခါ ဝေသာလီပြည်သို့ ကိုယ်တော်တိုင် ကြွရောက်စုံစမ်းတော်မူ၏။ တကယ်မှန်ကြောင်း သိရှိရသည့်အခါ မူလသာသနာတော်ကြီး အရှည်တည်တံ့ရေးအတွက် အတိုင်းတိုင်းအပြည်ပြည်သို့ လှည့်လည်ကာ သံဃာတော်များကို စည်းရုံးတော်မူ၏။

မထေရ်မြတ်ကြီး၏ စည်းရုံးမှုကြောင့် ဝေသာလီသို့ စုဝေးရောက်ရှိလာကြသော သံဃာတော်များမှာ ၁၂-သိန်း ရှိ၏။ ထိုသံဃာတော်များထဲတွင် အရှင်အာနန္ဒာ၏ အတူနေ တပည့်ကြီးများ ဖြစ်ကြသော သက်တော် ၁၄၀-ရှိ အရှင်သဗ္ဗကာမီမထေရ်ကြီး၊ သက်တော် ၁၂၀-ကျော်ရှိကြသော အရှင်သာဠ၊ အရှင်ရေ၀တ၊ အရှင်ခုဇ္ဇသောဘိတ၊ အရှင်သမ္ဘူတ၊ အရှင်မဟာယသ မထေရ်ကြီးများနှင့် အရှင်အနုရုဒ္ဓါ၏ အတူနေတပည့်ကြီးများ ဖြစ်သော သက်တော် ၁၂၀-ကျော်ရှိကြသော အရှင်သုမန၊ အရှင်ဝါသဘဂါမီ မထေရ်ကြီးများလည်း ပါဝင်ကြသည်။ ထိုရဟန္တာကြီး ၈-ပါးတို့သည် ပဋိသမ္ဘိဒါပတ္တ၊ ဆဠဘိည၊ တိပိဋကဓရ ပုဂ္ဂိုလ်ကြီးများ ဖြစ်၍ ဘုရားရှင်ကို မီလိုက်ကြသည့် ရဟန္တာကြီးများ ဖြစ်ကြ၏။

ထို ၁၂-သိန်းသော သံဃာ့အစည်းအဝေးကြီးက အဓိကရုဏ်း ဆုံးဖြတ်ရန် ထိုရဟန္တာကြီး ၈-ပါးတို့ကို ၀ိနည်းဓိုရ် ပုဂ္ဂိုလ်များအဖြစ် ရွေးကောက်တင်မြှောက်လိုက်ကြ၏။ ၀ိနည်းဓိုရ်မထေရ်ကြီးများသည် ၀ါလိကာရုံကျောင်းတိုက်ကြီး၌ အစည်းအဝေးကြီး ကျင်းပကြ၍ အရှင်ရေ၀တမထေရ်ကြီးက အဓမ္မ၀တ္ထု ၁၀-ချက် တို့ကို ၀ိနည်းတော်နှင့် ညီ-မညီ အရှင်သဗ္ဗကာမီ မထေရ်ကြီးအား မေးလျှောက်ရာ ၀ိနည်းနှင့်မညီကြောင်း မထေရ်မြတ်ကြီးက တချက်စီ ဖြေရှင်းဆုံးဖြတ်တော်မူ၏။ ထိုဆုံးဖြတ်ချက်များကို သံဃာ့အစည်းအဝေးကြီးက တညီတညွတ်တည်း လက်ခံအတည်ပြုလိုက်ကြသည်။

အဓိကရုဏ်းငြိမ်းပြီးသောအခါ သံဃာ့အစည်းအဝေးကြီးကပင် တိပိဋကဓရ၊ ပဋိသမ္ဘိဒါပတ္တ၊ ဆဠဘိည ရဟန္တာကြီး ၇၀၀-တို့ကို ဒုတိယအကြိမ် သင်္ဂါယနာတင်ရန် ရွေးချယ်လိုက်ကြ၏။ ထိုရဟန္တာကြီး ၇၀၀-တို့သည် ဝေသာလီပြည်၊ ၀ါလိကာရုံကျောင်းတိုက်တော်ကြီး၌ ပါဋလိပုတ်ပြည့်ရှင် ကာလာသောကဘုရင်၏ အာဏာစက် အကူအညီကို ရယူ၍ အရှင်မဟာကဿပ မထေရ်ကြီးတို့ သင်္ဂါယနာတင်သည့်အတိုင်း တင်တော်မူကြရာ ၈-လတိုင်ကြာမှ ပြီးဆုံးသွားပေသည်။ ( ရှေ့လဆက်ရန် ) ဓမ္မာစရိယ ဦးအေးနိုင်-ဘီအေ )

ရဟန္တာကြီးများ၏ ဆုံးဖြတ်ချက်ကို မနာခံသဖြင့် သံဃာ့ကံပြု၍ နှင်ထုတ်ခံရသည့် ဝဇ္ဇီတိုင်းသား ရဟန်းတော်များသည် ဝေသာလီပြည်မှ ထွက်ခွါကာ အနယ်နယ်အရပ်ရပ်တွင် အဓမ္မဝါဒီ ရဟန်းများကို စည်းရုံး၍ ရဟန်းတသောင်း ရရှိသောအခါ ကောသမ္ဘီပြည်တွင် စင်ပြိုင်သင်္ဂါယနာ တင်ကြ၏။ သူတို့၏ သင်္ဂါယနာကို သံဃာတသောင်းရှိ၍ မဟာသင်္ဂီတိ-ဟု အမည်ပေးကြသည်။ သူတို့ဂိုဏ်းကိုလည်း မဟာသင်္ဂီတိဂိုဏ်း (ဝါ) မဟာသံဃိကဂိုဏ်း-ဟု မှည့်ခေါ်ကြသည်။ ထိုသင်္ဂါယနာတင်ပွဲတွင် အရှင်မဟာကဿပ မထေရ်ကြီးတို့ စီစဉ် သင်္ဂါယနာတင်ခဲ့သည့် ဓမ္မဝိနယများကို ပြောင်းလဲစီစဉ်ကြ၏။ နိကာယ်တခုမှ သုတ်ကို အခြားနိကာယ်တခုသို့ ရွှေ့ပြောင်းကြ၏။ ဝိနည်း၌၄င်း၊ နိကာယ်ငါးခုလုံးတို့၌၄င်း ပါဠိနှင့်အနက် အဓိပ္ပါယ် နှစိခုလုံးကို ပြင်ဆင်ဖျက်ဆီးကြ၏။ တိုက်ရိုက် အဓိပ္ပါယ်ကို သွယ်ဝိုက်ယူကြသကဲ့သို့ သွယ်ဝိုက်ယူရမည့် နေရာကို တိုက်ရိုက်အဓိပ္ပါယ် ယူကြ၏။ ဘုရားရှင်၏ ဟောတော်မူလိုရင်း တလွဲတချော် အဓိပ္ပါယ်ဖော်ကြ၏။ ပုဒ်မျဉ်းအရိပ်အရောင်မျှကိုကြည့်ပြီး အနက်အဓိပ္ပါယ်မှန်များကို မိမိတို့ထင်သလို လွဲမှားစွာ ယူ၍ အဓိပ္ပါယ်မှန်များကို များစွာ ဖျက်ဆီးကြ၏။

ထို့ပြင် နက်နဲသော သုတ်ဝိနည်းအချို့ကို ပယ်ပစ်ပြီး၊ မိမိတို့သဘောအတိုင်း သုတ် ဝိနည်း တရားသစ်တို့ကို ထည့်သွင်းကြ၏။ ဝိနည်းမှ ပရိဝါပါဠိတော်နှင့် အဘိဓမ္မာပါဠိတော် အားလုံး ပဋိသမ္ဘိဒါမဂ်ပါဠိတော်၊ နိဒ္ဒေသပါဠိတော်များ၊ ဇာတ်ပါဠိတော်အချို့တို့ကို ဖြုတ်ပစ်၍ အခြားကျမ်းသစ်များကို စီရင်ထည့်သွင်းကြ၏။ နာမည်များ၊ အသွင်အပြင်နှင့် ရဟန်းအသုံးအဆောင် ပရိက္ခရာများကို တမျိုးတဖုံ ပြုပြင်တီထွင်ကြ၏။ နေထိုင်၊ သွားလာ၊ စားသောက်ပုံတို့ကို ရှေးနှင့်မတူအောင် ပြောင်းလဲပစ်ကြ၏။ သင်္ကန်းကိုလည်း အင်္ကျီပုံ၊ ဘောင်းဘီပုံစသည်ဖြင့် ချုပ်လုပ်ဝတ်ဆင်ကြ၏။ ဤသို့ဖြင့် မဟာသံဃိကဂိုဏ်းသား ရဟန်းများသည် ပထမသင်္ဂါယနာတင် ရဟန္တာထေရ် အရှင်ကြီးတို့ ချမှတ်ထားခဲ့သည့် မူလထေရဝါဒကို ပြောင်ပြောင်ကြီး ဆန့်ကျင်ကာ မူလဘုရားဟော တရားတော်များကို နုတ်ပယ်ဖြည့်စွက်သောအားဖြင့် တော်လှန်ပစ်လိုက်ကြသည်-ဟု ကထာဝတ္ထု အဋ္ဌကထာ ဒီပဝံသပါဠိကို ကိုးကား၍ ဖွင့်ဆိုထား၏။

ထိုပြင်ဆင်ရေးဝါဒီ ရဟန်းတော်များ ခွဲထွက်တည်ထောင်လိုက်သည့် မဟာသံဃိကဂိုဏ်း-ပေါ်လာသည့်အခါမှသာ ပထမသင်္ဂါယနာတင် ရဟန္တာထေရ်အရှင်ကြီးတို့၏ မူဝါဒ (ထေရဝါဒ) အရ ပြင်ဆင်ဖြည့်စွက် နုတ်ပယ်ခြင်း မပြုဘဲ မူလဘုရားဟောအတိုင်း တည်ရှိနေသည့်တရားတော်များအတိုင်းသာ လိုက်နာကျင့်သုံးနေကြသည့် သံဃာအပေါင်းကို ထေရဝါဒဂိုဏ်းဟု စတင်ခေါ်ဝေါ်သုံးစွဲခဲ့ခြင်း ဖြစ်သည်။ ဤသို့ ဆန့်ကျင်ဘက် မဟာသံဃိကဂိုဏ်း ပေါ်လာသည့်အချိန် သာသနာနှစ်တရာကျော်မှသာ ထေရ၀ါဒဂိုဏ်းကြီး ပေါ်လာခြင်း ဖြစ်၏။ ထိုထေရ၀ါဒဂိုဏ်းကြီးက လိုက်နာကျင့်သုံးသည့် မူလပကတိ ဗုဒ္ဓတရားတော်ကိုလည်း ထေရဝါဒ ဗုဒ္ဒဘာသာ-ဟု သုံးစွဲလာခဲ့ကြ၏။ ဤသည်မှာ ထေရ၀ါဒဗုဒ္ဓဘာသာ စတင်ပေါ်လာပုံဖြစ်သည်။

( တတိယ နှင့် စတုတ္ထသင်္ဂါယနာ ) သို့သော် သာသနာတော်နှစ် ၂၁၈-သို့ရောက်ချိန်တွင် ပင်မထေရဝါဒဂိုဏ်းကြီးမှ ခွဲထွက်သော ဂိုဏ်းခွဲများ ပေါ်လာသကဲ့သို့ မဟာသံဃိက ဂိုဏ်းမှလည်း ဂိုဏ်းခွဲများ ပေါ်လာခဲ့ရာ ဗုဒ္ဓဘာသာဂိုဏ်း ၁၈-ဂိုဏ်းအထိ ရှိလာခဲ့၏။ ထိုဂိုဏ်းများထဲတွင် ပင်မထေရဝါဒဂိုဏ်းကြီးကား ယုတ်လျော့ပိုလွန်ခြင်း မရှိ။ မူလဘုရားဟောသည့်အတိုင်း တည်ရှိသည့် တရားတော်ဟူသော ဝိသုဒ္ဓတ္ထေရဝါဒမြတ်သည် ညောင်ပင်ကြီးပမာ ခိုင်မြဲစွာ ရပ်တည်နိုင်ခဲ့၏ဟု ဒီပဝံသ၌ မိန့်ဆိုတော်မူထား၏။

ထိုအချိန်တွင် ပါဋလိပုတ်ပြည်၌ ဓမ္မာသောကမင်းကြီး နန်းတက်ခဲ့ရာ မင်းကြီးသည်ပင် ထေရဝါဒဂိုဏ်းမှ နိဂြောဓမည်သော တူတော်သူ ရဟန္တာသာမဏေကလေးကို အမှီပြုရသဖြင့် ထေရဝါဒဗုဒ္ဓဘာသာဝင် ဖြစ်လာကာ သာသနာတော်ကို အလွန်အားပေးချီးမြှောက်၏။ ထိုအခါ ခမည်းတော်လက်ထက်က အကိုးကွယ်ခံခဲ့ရသော တိတ္ထိများမှာ လာဘ်လာဘရှားပါးသွားကြ၍ ထေရဝါဒ ဗုဒ္ဓဘာသာ သာသနာတော်တွင်းသို့ နည်းအမျိုးမျိုးဖြင့် ဝင်ရောက်လာကြရာ သာသနာတော်မှာ မသန့်ရှင်း မစင်ကြယ် အညစ်အကြေး တွယ်ခဲ့၏။ ထို့ကြောင့် အရှင်မဟာမောဂ္ဂလိပုတ္တတိဿ ရဟန္တာမထေရ်မြတ်ကြီးနှင့် ဓမ္မာသောကမင်းတရားကြီးတို့ ပူးပေါင်း၍ သံဃာစစ်များတွင် ရောနှောဝင်ရောက်နေကြသည့် တိတ္ထိခြောက်သောင်းတို့ကို လူထွက်စေသောအားဖြင့် ထိုသာသနာ့အညစ်အကြေး သန့်ရှင်းရေးကို ပထမ ရွက်ဆောင်ကြသည်။

ထို့နောက် သာသနာတော်နှစ် ၂၃၅-တွင် အရှင်မဟာမောဂ္ဂလိပုတ္တတိဿမထေရ်ကြီးသည် ၆-သန်းသော သံဃာ့ပရိသတ်အလယ်တွင် ဂိုဏ်းခွဲများမှ အယူဝါဒအမျိုးမျိုးတို့ကို နှိမ်နင်း ဖယ်ရှားသောအားဖြင့် ကထာဝတ္ထုကျမ်းကြီးကို ဟောကြားတော်မူ၏။ ထို့ပြင် တိပိဋကဓရ၊ ပဋိသမ္ဘိဒါပတ္တ ရဟန္တာကြီးတထောင်ကို ရွေးချယ်တော်မူပြီး ဓမ္မာသောကမင်းကြီး၏ ပစ္စယာနုဂ္ဂဟကို ခံယူကာ ကိုးလကြာ တတိယအကြိမ် သင်္ဂါယနာတင်ပြီး သာသနာတော် သန့်ရှင်းစင်ကြယ်ရေးကို အားပေး ဆောင်ရွက်ခဲ့ကြ၏။ ထူးခြားသည်မှာ သင်္ဂါယနာတင်အပြီးတွင် ကိုးတိုင်းကိုးဌာနသို့ ရဟန္တာမထေရ်ကြီးများကို သာသနာပြုစေလွှတ်ခြင်းဖြင့် ထေရဝါဒသာသနာ ပြန့်ပွားအောင် ဆောင်ရွက်ခဲ့ကြသည်။

ဤသို့ဆောင်ရွက်မှုကြောင့် သီရိလင်္ကာနိုင်ငံ မြန်မာနိုင်ငံ စသည့်နိုင်ငံများသို့ ထေရဝါဒဗုဒ္ဓသာသနာ ပြန့်ပွားသွားခဲ့၏။ အထူးသဖြင့် သီရိလင်္ကာနိုင်ငံမှာ ဓမ္မာသောကမင်းကြီး၏ သားတော် အရှင်မဟာမဟိန္ဒ ရဟန္တာမထေရ်နှင့် သမီးတော် သင်္ဃမိတ္တာ ရဟန္တာထေရီမတို့၏ ကျေးဇူးကြောင့် ထေရဝါဒ ဗုဒ္ဓသာသနာရောင်ဝါသည် နေရောင်၊ လရောင်ပမာ ထွန်းပြောင်တောက်ပခဲ့သည်။ ထိုစဉ်အခါက ရဟန္တာထေရ်ကြီးများသည် နောင်အခါတွင် သတိ သမာဓိ ပညာများ ဆုတ်ယုတ်ကြ၍ ဘုရားဟော ပါဠိ အဋ္ဌကထာများကို နှုတ်တက်အာဂုံ ဆောင်ထားနိုင်ကြတော့မည် မဟုတ်ဟု မြော်မြင်တော်မူကြပြီး သာသနာနှစ် ၄၅၀-တွင် မူလဘုရားဟော ပါဠိ အဋ္ဌကထာများကို ပေထက်အက္ခရာတင်ရန် ရဟန္တာကြီး ၅၀၀-တို့ကို ရွေးချယ်တော်မူကြသည်။ ထို့နောက် အရှင်မဟာရက္ခိတမထေရ် အမှူးရှိသော ရဟန္တာကြီးငါးရာတို့သည် ဝဋ္ဋဂါမဏိမင်း၏ အကူအညီကိုယူ၍ သီရိလင်္ကာနိုင်ငံ မလယ (မာတုလ) ဇနပုဒ်၊ အာလောကလိုဏ်၌ စတုတ္ထသင်္ဂါယနာအဖြစ် ပေထက်အက္ခရာ တင်ကြသည်။ ပေထက်အက္ခရာတင်ပြီးသည်များကို အကြိမ် ၁၀၀-တိုင်တိုင် သုတ်သင် တည်းဖြတ်ကြသည်ဟု ဆို၏။

( ပဉ္စမ နှင့် ဆဋ္ဌ သင်္ဂါယနာ ) ဤသို့ ဆက်ကာဆက်ကာ သင်္ဂါယနာတင်ခဲ့သဖြင့် မူလဘုရားဟောအတိုင်း သန့်ရှင်းစွာ တည်ရှိနေသည့် ထေရဝါဒပိဋကတ်တော်များကို သာသနာတော်နှစ် ၂၄၀၄-တွင် ကျောက်ထက်အက္ခရာ ၆-နှစ်ကြာတင်ပြီးနောက် ၂၄၁၅-နှစ်အရောက်တွင် မြန်မာနိုင်ငံ မန္တလေးမြို့တော်တွင် ဘုရားကြီးဆရာတော် အရှင်ဇာဂရမထေရ် အမှူးရှိသော ဆရာတော် ၂၄၀၀-တို့သည် မင်းတုန်းမင်းတရားကြီး၏ ပစ္စယာနုဂ္ဂဟကို ခံယူ၍ ခြောက်လတိုင်တိုင် နှုတ်တက်အာဂုံ ရွတ်ဆိုကြကာ ပဉ္စမသင်္ဂါယနာ တင်တော်မူခဲ့ကြသည်။

ထို့နောက် သာသနာတော်နှစ် ၂၄၉၈-သို့ရောက်သောအခါ အဘိဓဇမဟာရဋ္ဌဂုရု ဘွဲ့တံဆိပ်တော်ရ ဝါတော် ၆၀-ရှိ သက်တော်ရှည် ညောင်ရမ်းဆရာတော်ဘုရားကြီး အမှူးရှိသော ထေရဝါဒငါးနိုင်ငံမှ သံဃာတော် ၂၅၀၀-တို့သည် ပြည်ထောင်စုမြန်မာနိုင်ငံတော် အစိုးရ၏ ပစ္စယာနုဂ္ဂဟကိုခံယူ၍ သီရိမင်္ဂလာ ကမ္ဘာအေးကုန်းမြေ မဟာပါသာဏ လိုဏ်ဂူတော်ကြီးတွင် ထေရဝါဒငါးနိုင်ငံမှ ကျမ်းဂန်တတ်ဆရာတော်ကြီးများက မူအမျိုးမျိုးနှင့် တိုက်ဆိုင်ကာ အနည်းငယ်မျှသာ ကွဲပြားသော ပုဒ်ပါဌ်အက္ခရာတို့ကို ညှိနှိုင်းပြင်ဆင် သုတ်သင်ထားပြီးဖြစ်သော ဘုရားဟောပါဠိတော်နှင့် အဋ္ဌကထာ ဋီကာများကို ၂-နှစ်ကြာရွတ်ဖတ်၍ ဆဋ္ဌအကြိမ် သင်္ဂါယနာ တင်တော်မူခဲ့ကြသည်။

ဤသို့ ပထမသင်္ဂါယနာတင် ရဟန္တာထေရ်အရှင်ကြီးများ ချမှတ်ထားတော်မူခဲ့ကြသည့် မူဝါဒအရ နုတ်ပယ်ခြင်း၊ ဖြည့်စွက်ပြင်ဆင်ခြင်းကို လုံးဝမပြုဘဲ သင်္ဂါယနာ ၆-ကြိမ်တင်ကာ တလေးတစား ထိန်းသိမ်းစောင့်ရှောက်ထားကြသဖြင့် ဘုရားရှင်ဟောကြားခဲ့သည့် မူလပကတိအတိုင်း သန့်ရှင်းစင်ကြယ်စွာ တည်ရှိနေသော (ထေရဝါဒနိုင်ငံရှိ) မြတ်စွာဘုရားတရားတော်၊ ပိဋကတ်တော်များသည် ထေရဝါဒဗုဒ္ဓဘာသာ-ပင် ဖြစ်ပေသည်။